Frikë nga Kastrati apo Elda/ Edi Rama zbulon 233 mijë litra të padeklaruara dhe gjobën 350 mijë euro, por jo kompaninë që…

Një prej bizneseve më të mëdha të naftës në Porto Romano është gjobitur 350 mijë euro.

Këtë fakt e ka bërë Kryeministri Edi Rama përmes një videoje të inspektimit të subjektit ku është zbuluar depozita me mangësi në deklarimin e 233 mijë litra benzinë ndërsa ka një mesazh, i cili do të ishte mbreslënës vetëm në rast se do të vinte nga një menaxher i qeverisjes së mirë, por ja që edhe Kryeministri jonë thotë :

“Operacioni i kthimit në ligjshmëri do të prekë çdo magazinë doganore; jo vetëm për karburantin, por edhe për produktet e tjera të akcizës, për t’u përballur me Zero Tolerancë ndaj abuzuesve,” thekson Edi Rama përmes rrjetit social shoqëruar me një video të kuruar në mënyrë të jashtëzakonshme nga televizioni propagandistik komunist ERTV, ku Zyrtarët Doganor bëjnë punën e tyre ashtu si dhe ministrja e Financave dhe Ekonomisës, Anila Denaj por nuk shihet asnjë nga simbolet e subjektit që ka guxuar të mos deklaroj 233 mijë litra benzinë.

Duke pasur parasysh sundimin socialist në Shqipëri, subjektet e favorizuara të radhës janë Kastrati dhe Elda, që bëjnë dhe shkelin ligjin e karburanteve, dhe vetëm njër aprej tyre ose të dyja së bashku, mund të jenë dhe pronarët e këtyre 233 mijë litrave benzinë. Kush janë?! Këtë e di Edi Rama!

Prej cilës nga këto kompani ka frikë Kryeministri Edi Rama ende nuk është e qartë!

Por, shqiptarët tashmë e dijnë se nëse nuk është Kastrati, subjekti tjetër që guxon të shkelë ligjin deri në këtë masë është vetëm Elda, kompani këto bashkëqeverisëse të këtij biznesi deri në rrëzimin e Ramës nga pushteti; Meqë kompanitë tjera kanë hapur krahun me mirësjellje në vitin 2013, përkatësisht 2017.

S’kemi parë gjë akoma!