Emiratet e Bashkuara Arabe heqin vizat për Kosovën

Emiratet e Bashkuara Arabe, heqin vizat për qytetarët e Kosovës. Duke falënderuar Presidentin e Emirateve të Bashkuara Arabe, Mohamed Bin Zayed për pranimin e propozimit të saj për heqjen e vizave për qytetarët e Kosovës, Presidentja Vjosa Osmani, thekson se kjo hap rrugë për më shumë mundësi bashkëpunimi midis vendeve tona dhe qytetarëve tanë .

“Falënderoj Presidentin e Emirateve të Bashkuara Arabe, Lartmadhërinë e Tij Mohamed Bin Zayed për pranimin e propozimit tim për heqjen e vizave për qytetarët e Kosovës,” shprehet Presidentja e Kosovës, Vjosa Osmani, përmes rrjetit social X duke përfunduar:

“Marrëveshja e arritur gjatë takimit tonë muajin e kaluar tashmë është nënshkruar, duke hapur rrugë për më shumë mundësi bashkëpunimi midis vendeve tona dhe qytetarëve tanë.”