Emmanuel Macron nuk i shqitet aeroporteve, pas Beogradit ngul një gozhdë biznesi edhe te Qeti

Presidenti i Francës, Emmanuel Macron, përveç gafave diplomatik edhe pse nuk vuan nga demenca, ka një dhunti tjetër, të pushtoj aeroportet e vendeve që viziton!

Pas Serbisë ku shkeli katër vjet më parë dhe inauguroi koncesionin 25 vjeçar të marrjes së Aeroportit “Nikola Tesla” në Beograd nga kompania franceze “Vinci”, sot Emmanuel Macron në Aeroportin “Nënë Tereza” në Tiranë sjellë kompaninë franceze “Lagardère” jo për ti zënë vendin e koncesionit të Qet Kastratit por ti mundësuar zgjerimin me një aktivitet të ri që njerëzit e Qetit nuk kanë tru ta bëjnë: hapjen e dyqaneve duty-free në aeroportin e Tiranës dhe gjithë Shqipërinë!

Marrëveshja e firmosur nga bossi i ajrit, tokës dhe detit shqiptar, Shefqet Kastrati, dhe  Kryetarja e Komitetit Ekzekutiv të Lagardère travel retail, Catherine Guyomard, konsiston në zgjerimin e aktivitetit dhe shtrirjes së shërbimit duty-free në të gjitha pikat kufitare dhe qendrat kryesore turistike në Shqipëri.

Në ceremoninë e firmosjes së marrëveshjes përveç Presidentit të Francës, Emanuel Macron, ishte dhe mbështetësi i tij në luftën kundër Kryeministrit Albin Kurti, Kryeministri Edi Rama.

Ndryshe, Lagardere është një grup ndërkombëtar, me qendër në Francë, i cili operon në fushën e botimeve dhe shpërndarjes së tyre, atë të dyqaneve duty- free me mbi 270 dyqane në Francë, Mbretërinë e Bashkuar, Irelandë, Spanjë, Holandë, Amerikën e Veriut etj. Gama e aktiviteteve të grupit përfshin edhe prezencën në media të rëndësishme franceze si: Paris Match, Le Journal du Dimanche, Europe 1, Europe 2, RFM etj.