Escobar dhe Lajçak në veri të Mitrovicës

I dërguari i SHBA-së për Ballkanin Perëndimor, Gabriel Escobar dhe Përfaqësuesi i posaçëm i Bashkimit Evropian për dialogun Kosovë-Serbi, Miroslav Lajçak, në veri të Mitrovicës sot kanë filluar takimin me përfaqësuesit politik serb.

Në takim krahas Escobarit dhe Lajçakut, i pranishëm është dhe Ambasadori i SHBA në Prishtinë, Jeff Hovenier, derisa nga pala serbe të pranishë janë kryetari i Listës Srpska, Goran Rakiç dhe kryetarët e katër komunave veriore të Kosovës, Milan Radojeviç, Dragisha Miloviç, Zoran Todiç dhe Srxhan Vuloviç.

I dërguari i SHBA-së për Ballkanin Perëndimor dhe Përfaqësuesi i posaçëm i Bashkimit Evropian për dialogun Kosovë-Serbi, dje kanë zhvilluar takime me presidenten Vjosa Osmani, kryeministrin Albin Kurti dhe liderët e partive opozitare, me qëllim të parandalimit të përshkallëzimit të situatës më 1 shtator.

Ndërkohë, sot pasdite Escobar dhe Lajçak do të takohen në Beograd me Presidentin i Serbisë, Aleksandar Vuçiç.