Festat e fundvitit/ Vendimi, shpërblim 5 mijë lekë për pensionistët

Këshilli i Ministrave miratoi vendimin për shpërblimin e pensionistëve dhe personave të tjerë që përfitojnë trajtime financiare me bonusin e fundvitit, në masën 5 mijë lekë, me një fond total prej 3.5 miliardë lekësh.

“Bonusi i fundvitit do të shpërndahet së bashku me pensionet mujore përgjatë muajit dhjetor nga Instituti i Sigurimeve Shoqërore. Shpërblimi mund të tërhiqet nga përfituesit edhe pas festave të fundvitit,” thekson Ministri  i Financave dhe Ekonomisë, Ervin Mete, përmes rrjetit social Facebook duke saktësuar se këtë bonus do ta përfitojnë 700 mijë pensionistë dhe kategori të tjera të trajtimit financiare.

“Ky është bonusi i dytë që jepet brenda këtij viti, pas atij të akorduar në muajin prill, nga i cili do të përfitojnë rreth 700 mijë pensionistë, por edhe kategori të tjera, që përfitojnë trajtime financiare.”