“Financimet ruse në PD”, Taulant Balla: Kam kërkuar ndërhyrje ligjore!

Kryetari i Grupit Parlamentar të Partisë Socialiste, Taulant Balla, sot bëri të ditur se Grupi i ngritur brenda partisë, ka trajtuar disa çështje duke filluar nga dekriminalizimi e deri te ligji për partitë politike ndërsa akuza kundër Partisë Demokratike për “financimet ruse” u pa se ishte dhe qëllimi i daljes së tij publike:

“Unë nuk mbaj mend se sa herë kam dalë këtu për dyshimet që lidheshin me një skemë financimi të PD nga kompani që shkonin me llogari bankare në një ofshor. Natyrshëm gjithë skema edhe me emra konkretë. Duhet të themi që as Shqipëria dhe asnjë vend nuk është imun nga kërcimet dhe përpjekjet e Rusisë për të dëmtuar demokracinë në vendet jo miqësore me të. Ky kërcënim që vjen nga Rusia duhet adresuar,” tha Kryatari i Grupit Parlamentar të Partisë Socialiste, Taulant Balla, por nuk sqaroi nëse ky “zbulim” i tij për rusët në Partinë Demokratike kishte lidhje me mikun e Edi Ramës, shef në FBI, Charles McGonigal, që së fundi u konfirmua se kishte lidhje me Rusinë.