Finlanda anëtare e NATO-s

Finlanda u bë sot zyrtarisht anëtarja e 31-të e NATO-s!

Ministri finlandez i Punëve të Jashtme firmosi dokumentin e anëtarësimit dhe i dorëzoi Sekretarit amerikan të Shtetit, Antony Blinken, ndërsa u pasua me ceremoninë e ngritjes së flamurit të Finlandës në selinë e Aleancës..

Në këtë mënyrë, kufiri rus me shtetet anëtare të NATO-s tashmë është dyfishuar. Finlanda ka 1.340 kilometra kufi me Rusinë dhe zyrtarisht dorëzoi kërkesën për anëtarësim në NATO së bashku me Suedinë, majin e vitit të kaluar për shkak të luftës që filloi në Ukrainë. 

Si Finlanda ashtu dhe Suedia më parë ishin neutrale, por pas pushtimit rus të Ukrainës vendosën të anëtarësohen në NATO, e cila ofron mbrojtjen për anëtaret e saj përmes Nenit 5., i cili thotë se sulmi mbi një anëtare është sulm mbi të gjithë anëtaret e Aleancës.

Kështu, pushtimi rus ndryshoi opinionin publik finalndez ndaj anëtarësimit në NATO në 80%.

“Kjo do ta bëjë Finlandën më të sigurt, e NATO-n më të fortë,” tha Sekretari i Përgjithshëm i NATO-s, Jens Stoltenberg, duke shtuar:

“Presidenti Putin kishte qëllim të deklaruar të pushtimit, që të ketë sa më pak NATO përgjatë kufirit rus dhe ta parandalon zgjerimin e NATO-s në Europë, dhe po merr plotësisht të kundërtën.”

Sekretari amerikan i Shtetit, Antony Blinken, tha se “ishte duke menduar nëse duhet të thotë se kjo është gjëja e vetme për të cilën mund ta falënderojmë zotin Putin” ndërsa shtoi:

“Sepse ai sërish nxiti diçka që thekson se dëshiron ta parandaloj me agresionin rus!”