Forumi Alpbach, Lajçak takim me Osmanin

I dërguari i Bashkimit Evropian për dialogun Kosovë-Serbi, Miroslav Lajçak, i cili po merr pjesë në edicionin e sivjetmë të Forumit Evropian Alpbach 2023, tha se e nisi sezonin e vjeshtës me dy ditë bisedash të pasura rreth asaj se çfarë do të thotë për Evropën të jetë e guximshme, ndër të cilat takime veçoi edhe atë me Presidenten e Kosovës, Vjosa Osmani.

“E nisa sezonin e vjeshtës me dy ditë bisedash të pasura rreth asaj se çfarë do të thotë për Evropën të jetë e guximshme. Mirë për të diskutuar me ekspertë, kolegë, miq dhe më e rëndësishmja me të rinjtë tanë në këtë vit,” shprehet Miroslav Lajçak përmes rrjetit social “X”.

Ndryshe, I dërguari i Bashkimit Evropian për dialogun Kosovë-Serbi, Miroslav Lajçak, mbrëmë përmes një postimi në rrjetin social Facebook kë bërë të ditur se brenda kësaj jave do të zhvilloj takime me Kryeministrin e Kosovës, Albin Kurti, dhe Presidentin e Serbisë, Aleksandar Vuçiç.