FOTO/ Autobusi përplas makinën, plagosen dy persona

Dy persona janë plagosur si pasojë e një aksidenti të ndodhur pranë hyrjes së Shtëpisë së Pushimit të Ministrisë së Mbrojtjes në zonën e “Plepave” në Durrës.

Një automjet tip “Volksëagen” u përplas me autobusin e linjës Golem-Plepa dhe më pas goditi bordurën, duke dalë në kahun tjetër të rrugës ku aksidentoi edhe një automjet në kahun e kundërt.

Përplasja ishte aq e fortë sa që i riu që drejtonte “Volkswagen” mbeti brenda mjetit dhe u desh ndërhyrja e forcave të ushtrisë e zjarrfikësve për nxjerrjen e tij.

Aksidenti shkaktoi trafik në rrethrrotullimin e Plepave dhe u bllokua edhe kalimi në rrugën dytësore Plepa-Kavajë.