FOTO/ Ja çfarë bënte Tahiri ndërsa jepej vendimi i Gjykatës…

Sajmir Tahiri, ish-ministër i Brendshëm, duket se ka qenë në dijeni të vendimit të Gjykatës së Krimeve të Rënda, pasi e ka pritur shumë qetësisht vendimin.

Tahiri ka qenë në një nga lokalet pranë shtëpisë së tij në zonën e njohur si Kodra e Diellit, me miq, ndërsa njoftimin për masën e arrestit shtëpiak e ka marrë vesh nga avokatët e tij.

Më pas kanë qenë prokurorët e çështjes që i kanë komunikuar vendimin.

Duket se vendimi i arrestit shtëpiak ka qenë i pritshëm nga Tahiri, edhe pse prokuroria kishte kërkuar arrest me burg.

Sikundër raportohet, prokurorët kanë paraqitur prova të reja të ardhura nga Greqia dhe Italia, por që duket nuk kanë bindur gjykatësen. Seanca ka nisur rreth orës 09:00 të paradites, por vendimi është shpallur pas rreth 8 orësh.

Tashmë mbetet për t´u parë se çfarë do të bëjnë palët në këtë proçes, ndonëse avokatët e Tahirit kanë paralajmëruar apelimin e vendimit.