FOTO/ Kuvendi në seancën e fundit, PS shpreson të miratojë ligjin për Magjistraturën

Kuvendi do të mblidhet sot në seancën e fundit për këtë sesion parlamentar, ku çështja më e rëndësishme që është bartur nga seancat e kaluara është ajo e votimit të pr/ligjit për Magjistraturën.

Miratimi i këtij ligji kërkon 3/5 e votave, çka do të thotë e pa opozitën ai nuk mund të miratohet. Opozita e konsideron si një mashtrim, atë që mazhoranca e ka sjellë si zgjidhje e vakumit në sistemin e drejtësisë.

Gjithashtu në seancë është edhe pr/ligji për ndryshimet në Kodin Rrugor, që kërkon miratim me 84 vota.
Shpresa e socialistëve është te deputetët e veçantë të opozitës për të siguruar 84 votat, por duket se kjo është e vështirë, pasi në të paktën dy seancat e fundit ajo ka bojkotuar proçesin e votimit, duke vendosur kështu një marrëdhënie të kushtëzuar me Kuvendin.