FOTO/ Trekëndëshi revolucionar, nuk jemi në Korenë e Veriut, por në …

Dikur nën komunizëm të gjithë nxënësit do duhet të mësonin tre gjëra të rëndësishme, mësimin (marksist), punën ( e partisë) dhe kalitjen (ushtarake) dhe duket sikur sot dikujt i është “rikujtuar” koha e Enver Hoxhës.

Deputeti i PD-së Luçiano Boçi ka publikuar disa foto të një shfaqje, organizuar në shkollën 9 vjeçare Mark Dashi në Fier. Nxënësit shihen teksa performojnë të veshur ushtarak dhe me armë. Sipas deputetit kjo ësjhtë një shfaqje e turpshme e Ministrisë së Arsimit dhe drejtueses së saj Lindita Nikolla.

EDUKIM ME TREKËNDËSH

Mos u habisni!

Nuk jemi në Korenë e Veriut!

Fotot janë marrë në shkollën 9-vjeçare Mark Dashi Fier, përgjatë një aktiviteti ku nuk ka munguar dhe drejtori i DAR Fier.
Propaganda dhe riindoktrinimi nuk është rastësi.

Madje nuk po kursen as fëmijët.

Trekëndëshi i dikurshëm revolucionar “Mësim-Punë-Kalitje Ushtarake Revolucionare”, që nisi minimin e arsimit të atëhershëm, duket se po shfaq fantazmën e tij.

Tani mund të quhet “Trekëndëshi i Linditës”.

Kjo është më shumë se turp!

Në mungesë të çdo vizioni për edukimin me vlerat qytetare e europiane në shkollat tona, shabllonizmi nostalgjik është kthyer në qëllim.

p.s
Me e pa “Lideri Suprem” këtë lloj propagande, e anullon përfundimisht takimin me Trump dhe i lutet për takim këtij “Liderit Global” tonit.