FOTO/ Zhvillohen homazhe në nderim të Fadil Hasës, pjesëmarrës edhe Basha e Berisha

Artistë nga e gjithë Shqipëria dhe qytetarë kanë marrë pjesë në homazhet ndaj artistit të madh të humorit, Fadil Hasa.

Homazhet janë zhvilluar në hollin e teatrit “Aleksandër Moisiu” në Durrës.

Homazhe për personalitetin e artit shqiptar, zhvilluan sot edhe ish-kryeministri Sali Berisha dhe kreu i PD-së Lulzim Basha.

Personalitete durrsake, njerëz të artit dhe kulturës, përfaqësues të institucioneve, miq e të afërm, gjithë grupi i artistëve të Durrësit e Shkodrës, etj, të prekur nga ndarja nga jeta e artistit të merituar, marrin pjesë në homazhet e një prej aktorëve të humorit, që bëri të qeshë me vite me radhë breza të tërë shqiptarësh.

Fadil Hasa ndërroi jetë dje në moshën 78-vjeçare pasi vuante nga një sëmundje e rëndë, duke lënë pas dy vajzat e tij.