FOTOT/ U harruan përplasjet, ja çfarë ndodhi në oborrin e Kuvendit. Rikthimi i Rulit e Mustafaj në…

Ceremonia e inaugurimit të ish-Kryeparlamentarit Pjetër Arbnori në mjediset e Kuvendit të Shqipërisë, duket se për disa minuta ka larguar përplasjet mes politikanëve shqiptarë.

Madje duket se qoftë edhe për disa minuta janë sheshuar dhe harruar edhe qejfmbetjet, përballjet, akuzat, jo vetëm mes përfaqësuesve opozitarë dhe atyre në mazhorancë, por edhe vetë brenda partisë më të madhe të opozitës.

Në ceremoni kanë qenë të pranishëm pothuajse të gjithë politikanët kryesorë të 28 viteve, nga më aktivët deri te ata që janë tërhequr ose sot nuk janë shumë aktivë, për shkak edhe të distancimit nga partitë që kanë përfaqësuar prej vitesh.

Gjithsesi në ceremoni dhe pas saj, ka pasur një reflektim, ndoshta për të rivendosur komunikimet deri diku normale.

Në fotot që qarkullojnë në rrjet shfaqen politikanët në opozitë dhe pozitë që shkënbejnë batuta dhe qeshin, apo përqafime mes atyre që deri dje konsideroheshin si kritikë dhe kundërshtarë.

Pas ceremonisë së inagurimit të bustit të Pjeter Arbnorit, Besnik Mustafaj dhe Genc Rruli janë parë të hyjnë në selinë e PD.

Dhe sipas burimeve mediatike nga selia e PD ata kanë pirë kafe me kreun aktual Basha dhe me ish Kryeminsitrin Berisha.

Mustafaj prej vitesh ka kritikuar Berishën, ndërsa Ruli njihet si kundërshtar i Bashës.

E vetmja që ka mbajtur një distancë me lidershipin e PD ka qenë Jozefina Topalli, e cila gjithsesi është fiksuar nga objektivët e kamerave duke shkëmbyer batuta me Pandeli Majkon apo Gramoz Ruçin.