VIDEO/ Berisha: Ja si po favorizohet Olsi Rama dhe Geron Xhafaj me ligjin e lojrave të fatit…

Ish-Kryeministri Sali Berisha ka akuzuar nga salla e Kuvendit Kryeministrin Edi Rama se ka sjellë një ligj për miratim për uljen e taksave për bizneset e lojërave të fatit.

Berisha e ka akuzuar direkt kryeministrin se ky ligj është bërë posaçërisht për të favorizuar vëllanë e tij Olsi Ramën dhe vëllanë e ministrit të Brendshëm, Geron Xhafajn, si ortakë në këto biznese.

Pas fjalës që mbajti në foltore, kryetari i KLSH-së, Bujar Leskaj, Berisha u ngrit nga vendi dhe e nxiti për më shumë kontroll.

“A e dini ju që këta kanë sjellë ligj këtu në parlament për Olsin dhe Geronin? Se Olsi dhe Geroni duan – po, Pandeli, mos fol, se s’di gjë – dhe lexoje ligjin si është përcaktuar për lojërat e fatit?!

Ndryshimi i ligjit ul taksën për Olsin dhe Geronin nga 80%, do të merret 20%! Pra, ulet katër herë taksa e lojërave të fatit. Ky është ligji.

Shkëlqim Cani nuk pranoi të firmosë një ligj të tillë, kurse ai hajduti me çizme e sjell në Kuvend”, tha Berisha.