Denoncimi/ Operatorët turistikë po detyrohen të deklarojnë 30 % më shumë xhiro në Tatime

Ish-Kryeministri, Sali Berisha, ka denoncuar në rrjet një veprim që po ndodh me operatorët turistikë, të cilët po detyrohen të faturohen 30 % më shumë për vitin 2018 se sa në vitin paraardhës.

“Edvini rikthen tatimin e jashtëzakonshëm të etërve mizor për turizmin!

Operatorëve turistikë iu imponojnë dhe detyrojne të faturojnë 30% më shumë për vitin 2018 se sa vitin paraardhës”, shkruan Berisha në rrjet duke iu referuar denoncimit të qytetarit dixhital.

Denoncimi

Lexoni mesazhin e qytetarit dixhital. sb

“Pershendetje Doktor,

Tatimet kane nisur nje veprimtari detyruese ndaj operatoreve turistike, ku u imponojne te faturojne dhe deklarojne 30% me shume se viti paraardhes per vitin 2018. Procesin e quajne “intervistim” , duke thirrur prane zyrave te tyre operatoret turistike ne menyre qe te mos shperndajne shkrese pasi behet publike.

Atje i njohin me “detyrimin” qe duhet te nenshkruajne, duke i sqaruar se ai qe pranon “nuk do te kete kontrolle” nga ana e tatimeve, dhe se “pergjigja pozitive” do te beje qe te njoftohen punonjesit ne terren “te mos e vizitojne” biznesin ne fjale. Dmth, nese pergjigja eshte “negative” , punonjesit ne terren do te udhezohen “ta vizitojne” biznesin ne fjale….

“Arturo Ui” domethene….

Bashkengjitur nje foto e shkreses fotografuar me nxitim, me te cilen “te thirrurit” njihen ne zyrat e tatimeve dhe nuk u lejohet ta marrin me vete qe te mos e shperndajne e te mos mbeten gjurme.”