Gazetarët e kundërshtojnë, Parlamenti miraton Paketën Antishpifje

Ndonëse gazetarët dhe Brukseli zyrtar e kundërshtuan, Paketa Antishpifje u miratua sot në parlament me 82 vota për, 13 kundër dhe 5 abstenime.

Dhe jo vetëm kaq! Në një proces votimi i cili nuk është parë as në Asamblenë e Partisë Socialiste, përveç miratimit të gjendjes së jashtëzakonshme, buxhetit, Arben Ahmetajt ministër etj. komik ishte votimi i padiskutueshëm i një propozimi të Kryetarit të Grupit Parlamentar të PS, Taulant Balla, sipas të cilit vendimet e Bordit të AMA-s, ankimohen në Gjykatën Administrative të Shkallës së Parë.

“Vendimet e bordit të AMA-s ankimohen në Gjykatën Administrative të Shkallës së Parë në Tiranë,” propozoi Taulant Balla.

Ndryshe, Parlamenti miratoi pa kurrfarë kontestimi edhe Buxhetin 90 vota pro dhe me 9 kundër 2 abstenime ndonëse më shumë diskutohet në një familje për buxhetin se sa sot në Parlamentin e Shqipërisë për buxhetin e shtetit; Ligjin për investimet strategjike, me 88 vota për, 10 kundër dhe 2 abstenime; Ligjin për rivlerësimin e pasurive të paluajtshme u miratua me 97 vote për dhe vetëm tre kundër;  Madje me 80 vota për dhe 9 kundër, Parlamenti ka emëruar sot kreun e ri të AKEP, Tomi Frashëri.