Gjakova e Cena e nisin me fitore Evropianin në Prishtinë 

Akil Gjakova e ka nisur me fitore paraqitjen në Kampionatin Evropian të hapur të xhudos që po mbahet për herë të parë në Kosovë.

Akil Gjakova ka fituar kundër xhudistit kroat Robert Klaçar. Në përballjen deri në kategorinë shtatëdhjetë e tre kilogramë xhudisti kosovar është treguar më i shkathët, duke kaluar në fazën tjetër. 

Fitore ka shënuar edhe Dardan Cena, i cili e ka mposhtur finlandezin Valtteri Olin. 

Ndryshe, për herë të parë në histori, Kosova është organzitore e Kampionatit Evropian të hapur të xhudos. Pallati i Rinisë dhe Sportit është sot arenë e xhudistëve më të mirë evropianë, e cili është hapur në orën 10:30 dhe nga ora 17:30 deri në orën 19:00 do të zhvillohet blloku final.

Dje është hedhur shorti i kësaj gare, ku dy kampionet tona olimpike, Distria Krasniqi dhe Nora Gjakova, që garojnë në kategorinë -57 kg, mund të përballen mes vete vetëm nëse kualifikohen në finale, natyrisht nëse kalojnë pengesat e mëdha në çerekfinale dhe gjysmëfinale.

Në kategorinë e meshkujve (-57 kg), short më i vështirë është për Akil Gjakovën dhe Dardan Cenën, të cilët për të hyrë në zonën e medaljeve, mund të përballen me medalistë botërorë e olimpikë.