Gjata: Rama si Hitleri për shkrirjen e Kushtetueses, drejtësia e kapur nga…

Konstitucionalisti Çlirim Gjata u shpreh mbrëmjen e sotme se një Gjykatë Kushtetuese mosfunksionale, është një situatë në favor të qeverisë.

I ftuar në emisionin “Studio e Hapur”, ai tha se në Europë ka pasur dy raste kur institucioni i Gjykatës Kushtetuese nuk ka funksionuar: në Austri, kur u pushtua nga Gjermania naziste e Hitlerit dhe kjo e ditëve të sotme në Shqipëri, që sipas tij është suksesi i madh për interesat e qeverisë shqiptare.

“Në vitin ‘92 s’ngeli asnjë qytet pa gjykatë. U akuzua se PD mbajti prokurorë dhe gjyqtarë të vjetër, por ishte dhe normale se s’mund të vesh 20-vjeçarë, normale të ketë vijimësi.

U ndryshua Kushtetuta s’ngelëm pa gjykata. Kjo reformë u bë e tillë që të mbeteshim pa gjykatat kryesore, atë Kushtetuese dhe të Lartë. Pse ndodhi sot? S’ka rëndësi nëse u bë me qëllim ose jo, rëndësi ka rezultati dhe shkon në favor të qeverisë.

S’ka kush e rrëzon qeverinë, bën ç’të dojë. S’ka demokraci. Prokuroren e Përgjithshme e ka kapur, drejtësinë e ka kapur.

Ky sistem drejtësie, e ky Veting është eksperiment që ndodh për herë të parë në historinë e njerëzimit në Shqipëri, asnjë vend nuk e ka kështu. Tha Hahn kalojeni me një ligj kalimtar, po si mund ta kalosh kështu”, tha Gjata.

Sipas tij, Qeverisë i intereson ose të kapë drejtësisë, ose të lërë pa drejtësi.

Ndërsa nga pikëpamja e demokracisë, konsititucionalisti e cilësoi mungesën e Kushtetueses një “situatë shumë të rrezikshme”.

Gjata tha se mes subjekteve të rivlerësimit po mbizotëron një klimë terrori.