Gjenerali që kritikoi Putinin u gjet i vdekur me bashkëshorten

Ish-Komandanti i Forcave Kundërajrore të Rusisë, Gjeneral Nënkolonel Vladimir Sviridov u gjet i vdekur me bashkëshorten e tij, në rrethana misterioze.

Mësohet se Gjeneral Sviridov dhe bashkëshortja e tij Tatjana u gjetën të pajetë pas të paktën shtatë ditëve, por ende nuk është konstatuar shkaku i vdekjes.

“Punëtorët e servisit të gazit kanë kryer matjet dhe nuk kanë konstatuar tejkalim të koncentrimit të lejuar të substancave të dëmshme. Çfarë e ka shkaktuar vdekjen e Vladimir dhe Tatjana Sviridov ene nuk dihet,” thuhet në raportin parë të vdekjes së tyre.

👀 Ex-commander of the 6th Air Force and Air Defense Forces of the Russian Federation V. Sviridov and his wife were found dead in their home in the Stavropol Territory pic.twitter.com/7zyiygr27j

— MAKS 23 👀🇺🇦 (@Maks_NAFO_FELLA) November 16, 2023

Piloti në pension u bë njohur pas kritikave që i bëri Vladimir Putinit për, siç tha, udhëheqjen e forcave ajrore të kategorisë së tretë, duke i tërhequr vërjetjen se oficerët e lartë po largohen nga forcat ajrore për shkak të kushteve të këqija dhe pagave të ulëta.  

“Piloti duhet të ketë rreth 100 orë fluturim për gatishmërinë e plotë luftarake. Mirëpo, kjo ende nuk ka ndodhur. Mesatarisht koha e fluturimit në ushtri akutalisht është 25-30 orë. Jemi të detyruar të emërojmë oficerë të paaftësuar sepse nuk ka më të mirë. Për këtë arsye në akademi ushtarake dërgojmë pilot të rangut të tretë. Kjo nuk ka ndodhë në të kaluarën,” ishte kritika e Sviridov duke i rekomanduar Putinit:

“Krijo kushte jetësore normale për oficerë të rinj, si dhe për të gjithë ushtarët, në mënyrë që ti kryejnë si duhet deyrat ushtarake”.

Ndryshe, Gjeneral Sviridov dhe bashkëshortja e tij Tatjana janë gjetur të vdekur në shtëpinë e tyre në fshatin Axhijevski në Stavropol, shkruan Daily Mail

Sviridov ishte komandant i armatës 6 të forcave të armatosura ruse dhe mbrojtjes kundërajrore nga viti 2005 deri në vitin 2009, i emëruar nga Vladimir Putin. Ishte pilot nderi i Rusisë ndërsa ka shërbyer edhe si pilot ushtarak snajper. Mbi supe mbanë Yllin e Kuq dhe disa medalje të tjera.

Gjeneral Sviridov u largua nga detyra në moshën 54 vjeçare, pas shumë kritikave të ashpra publike për nivelin e forcave ajrore ruse.