Gjirokastër, blegtorët me katër kërkesa! Jemi kërcënuar…

Blegtorët e jugut janë mbledhur sërish tek “Ura e Kardhiqit” në Gjirokastër, duke protestuar për uljen e çmimit të qumështit, ndërsa akuzuan sot fabrikat e përpunimit se po operojnë në formë monopoli.

Edhe sot at artikuluan katër kërkesa: mosuljen e çmimit të qumështit nga grumbulluesit, prodhimi i mishit, kullotat dhe veprat ujore dhe shërbimi veterinar.

Deri më tani, fermerët nuk kanë marrë zgjidhje, ndërsa janë shprehur se ndihen të rrezikuar deri në faliment për shkak të importit të prodhimeve të qumështit dhe mishit nga jashtë.

Ndërkohë sot atyre iu premtua se do të kenë një takim me ministren e Bujqësisë, Anila Denaj.

Kjo është hera e tretë brenda pak ditësh që blegtorët protestojnë me kërkesat e tyre të qarta, ndërkohë sot kanë denoncuar edhe rastet e kërcënimeve me heqje të familjarëve nga puna, gjatë ditëve që po mbajnë protestat.