Gjonaj, Festivali i 29-të folklorik ‘Hasi jehon’

ë 3, 4 dhe 5 maj në Gjonaj të Hasit mbahet edicioni i 29 i Festivalit folklorik “Hasi jehon”. Organizmat që kultivojnë folklorin burimor nga e gjithë gjeografia shqiptare edhe në këtë edicion, do të jenë pjesë e dasmës së madhe hasjane.

Drejtori i Festivalit “Hasi jehon”, Haziz Hodaj, tha se janë përzgjedhur Shoqëritë kulturo artistike nga e gjithë hapësira shqiptare.

“Janë seleksionuar dhe përzgjedhur ShKA-të grupet artistike dhe rapsodët nga gjithë hapësira shqiptare: nga Maqedina, pjesa shqiptare e Malit të zi, Shqipëria dhe sigurisht dominojnë grupet nga Kosova,” tha Hodaj.

Organizatori i Festivalit ShKA “Malësori” ka bërë të gjitha përgatitjet dhe çdo gjë është e gatshme për fillimin e festivalit.

“Është bërë gati programi, renditja e paraqitjes së organizmave pjesëmarrës, ndërsa siç është traditë e festivalit, hapjen dhe mbylljen e festivalit e bënë mikpritësi ShKA “Malësori”.

Fragmenti i përditshmërisë së lashtësisë, dasmave, festave, por edhe fragmentet e betejave të kapërcimit të shekujve vijnë në Festivalin “Hasi jehon”, si këngë, valle, trashëgimi e cila ruhet ndër gjenerata si mision të shenjtë.

Festivalit i prinë ekspozita e prodhimeve të bukës, kësaj zejeje, me të cilën hasjanë dallohen dhe veçohen jo vetëm në Kosovë, por edhe në shumë shtete.

E veçanta e Festivalit “Hasi jehon”, përveç pjesëmarrjes së Shoqërive Kulturore Artistike, është numri i madh vizitorëve, në Kodrën e pajtimit, për tri ditë sa zgjatë festivali.

PROGRAMI I EDICIONIT TË 29 TË FESTIVALIT “HASI JEHON”

Dita e parë me 3 maj. Në orën 18 hapja solemne. Programet fillojnë në orën 18 e 30

1. ShKA “Malësori” – Gjonaj (hapja solemne)

2. Pallati I Kulturës “Pjetër Bogdani” – Krumë (Has)

3. ShKA “ Bajram Curri”- Krushë e madhe

4. ShKA “Zëri i LLapushës” – Carrallukë (Malishevë)

5. ShKA “Jonuz Ramadani” – Viti

6. ShKA “Bajram Shabani” – Kumanovë

7. AAF “Rugova” – Pejë

Dita e dytë, 4 maj. Programi fillon në orën 18 e 30

1. “ ShKA “Zëri i Kosovës” – Fushë Kosovë

2. ShKA “Hajvalia” – Hajvali

3. Shka “Bilal Golemi” – Gjirokastër

4. ShKA “Tingujt e vendlindjes” – Stagovë ( Kaqanik)

5. ShKA “Anadrini” – Dejn (Rahovec)

6. ShKA “Shote Galica” – Drenas

7. Ansambli “Shqiponja” – Shkup

Dita e tretë, 5 maj. Programi fillon në orën 18 e 30

1. ShKA “Muharrem e Xhevat Qena” – Ramajë

2. ShKA “Rapsha” – Drumë (Tuz)

3. ShKA “Bresana” – Bresanë

4. ShKA “Lahuta e Malcisë” – Gjilan

5. AF “Mati” – Burel (Mat)

6. ShKA “Malësori” – Gjonaj (përmbyllje e festivalit)