Gjukanoviç: Po punojmë në gjetjen e një epilogu pozitiv Kosovë-Serbi

Presidenti i Malit të Zi, Milo Gjukanoviç, pas takimit me Sekretarin e Përgjithshëm të NATO-s, Jens Stoltenberg në Bruksel u shpreh optimist për marrëdhëniet mes Prishtinës dhe Beogradit.

Përvoja e zgjidhjes së çështjes së hapur në mes të Greqisë dhe Maqedonisë Veriore mund të jetë e çmueshme në zgjidhjen e problemeve të tjera në rajon, tha sot Presidenti i Malit të Zi, Milo Gjukanoviç, në
selinë qendrore të Aleancës Veriatlantike pas takimit me Sekretarin e Përgjithshëm të NATO-s, Jens Stoltenberg, duke sqaruar se e ka fjalën për marrëdhëniet, siç tha ai, në mes të Prishtinës dhe Beogradit.

“Si fqinjë i përgjegjshëm dhe shumë i interesuar, punojmë në gjetjen e një epilogu pozitiv të këtij dialogu,” tha Gjukanoviç duke shtuar:

“Besoj se është e mundur dhe e ftoj NATO-n që me angazhimin e vet në këtë rajon së bashku me BE-në të kontribuojë në atë që është opcioni i vetëm i Ballkanit Perëndimor!”