Gjykata Apelit/ Shtyhet seanca, Balliu: Çështje politike për të trembur opozitën!

Sot në Gjykatën e Apeliti u shty seanca ndaj Ish-Deputetit të Partisë Demokratike, Klevis Balliut ndonëse u bë e ditur se Prokuroria do të kërkonte masën “arrest me burg”. Për Ish-Deputetin e PD, kjo është thjeshtë një çështje politike për të trembur opozitën, për të trembur qytetarët që të mos dalin të protestojnë.

“Seanca u shty për shkak se kur shteti bie nuk funskionon më asnjë gjë, nuk bëhet më as njoftime, as për njerëz të tjerë që janë nën hetim dhe seanca u shty. Erdhëm për të marrë vendimin për një arrestim politik, për akuza politike ndaj meje dhe disa protestues të Unazës, dhe sot seanca u shty sepse nuk është njoftuar njëri apo nuk është njoftuar tjetri,” sqaroi situatën absurde që ndodhë nëpër Gjykatat e Edi Ramës edhe kur ato i janë nështruar Reformës në Drejtësi.

“Është thjesht një çështje politike për të trembur opozitën, për të trembur qytetarët që të mos dalin të protestojnë. Këto janë përpjekje mjerane. As opozita dhe as qytetarët nuk do të ndalojnë protestën,” siguroi deputeti demokrat duke shtuar se edhe kjo situatë kur vjen vjen një ish-deputet me avokatët e tij, sepse është thirrur, ndërkohë të tjerë nuk thirren nga Prokuroria apo nuk çohen letrat në adresat e duhura, tregon se nuk funskionon shteti.

Ne sot jemi pa qeveri, ne sot jemi pa institucione. Është pikërisht kjo arsyeja se përse qytetarët ndodhen nëpër burgje, tha Ish-Deputeti duke përfunduar:

“Ndërkohë që banditët janë të lirë. Është kjo arsyeja përse dje janë arrestuar me dhjetëra e qindra protestues. Disa prej tyre lënë me arrest në burg, ndërkohë që banditë apo njerëz që kanë futur duart në xhepat e shqiptarëve qoftë kjo tek rruga e Milotit ku janë plotë 290 milionë euro, nuk mbajnë përgjegjësi.”