Grabit një dyqan, plagos me gërshërë dy policë, arrestohet agresori…

Dy punonjës policie raportohen të jenë plagosur me gërshërë  nga një person, i cili është tentuar të ndalohej nga uniformat blu. Ngjarja ka ndodhur në Elbasan, në lagjen 5 Maji ,  ndërkohë që policia po punon për zbardhjen e ngjarjes.

Autori Nerfan Halimllari mësohet se është pjesë e komunitetit rom dhe dyshohet se ai ishte përfshirë në një grabitje të një dyqani. Nën kërcënimin e një arme të ftohtë ai ka marrë një shumë parash në dyqan dhe është larguar menjëherë.

Pronari i biznesnit ka njoftuar policinë pas ngjarjes dhe blutë kanë mbërritur në banesën e autorit të dyshuar, ku edhe kanë gjetur shumën e parave të grabitura.

Në këtë moment, autori godet me thikë dy efektivë duke i lënë të plagosur, mes të cilëve edhe komandantin e grupit të policisë.

Ai është prangosur nga policia, ndërsa vijon puna për zbardhjen e rrethanave të kësaj ngjarje.