Greqia mund Kosovën në “Fadil Vokrri”

Përfaqësuesja e Kosovës në futboll, është mundur nga Greqia, me rezultat 0-1, në stadiumin “Fadil Vokrri” në Prishtinë.

Përballja mes dardanëve dhe grekëve, u zhvillua në një atmosferë fantastike të krijuar, megjithatë, ishte skuadra mike që doli fitues në kryeqytetin e Kosovës.

Grekët në pjesën e parë, kishin dominim të lehtë në terren, derisa Bakasetas në minutën e 36-të zhbllokojë ndeshjen duke kaluar grekët në avantazh prej 0-1, rezultat më të cilin skuadrat shkuan në pushim.

Futbollistët e Përfaqësueses së Kosovës, të përkrahur fuqishëm nga tifozët “Dardanët”, e nisin mjaft mirë pjesën e dytë, duke bërë presion në kërkim të golit të barazimit, por gjerat për Përfaqësuesen e Kosovës u vështirësuan në minutën e 72-të, kur Fidan Aliti u ‘skuq’, dhe skuadra mbeti me një lojtarë më pak në terren.

Pas daljes nga loja te Alitit, grekët e kishin më lehtë të kontrollonin lojën, derisa në finish të ndeshjes edhe portieri Aro Muriç u largua me karton të kuq.

Përzgjedhës i Kosovës, Alain Griresse, tha se skuadra e tij bëri lojë të mirë, pavarësisht se Kosova humbi ndeshjen me Greqinë.

“Megjithë lojën e mirë, rezultati nuk është i mirë. Pastaj pjesa tjetër, loja fillojë mirë, ne nuk i konkretizuam rastet që kishim. E kemi kontrolluar ekipin mirë kah pjesa teknike, pastaj rrjedha e lojës ka pasur gjëra komplet që nuk i kemi priteur. Pastaj përjashtimi i dy lojtarëve, këto ndodhi ndikuan që ne të ishim të paftë,” tha Alain Griresse ndërsa foli dhe për sfidën e radhës kundër Irlandës Veriore.

“Ne përgatitemi për gjitha lojët dhe jo vetëm për një lojë. Tani kemi dy lojtarë mungesë dhe më këto mungesa që kemi do të mundohemi të zgjedhim një ekip që do të paraqitemi sa më mirë.”

Greqia më këtë fitore kryeson grupin 2 të Ligës C me gjashtë pikë të tubuara, derisa Kosova renditet e dyta me tri pikë, kurse, nga një pikë kanë Qipro dhe Irlanda Veriore.

Ndryshe, Kosova dhe Greqia u përballen në kuadër të xhiros së dytë në Grupin 2 të Ligës C në Ligën e Kombeve.