Habit Spalletti: Interi ndaj Sassuolos fiton me rezultatin…
Trajneri i Inter-it Luciano Spalletti ka mbrojtur ekipin e tij në prag të ndeshjes së rëndësishme ndaj Sassuolo-s të shtunën në San Siro.
Të besuarit e Spalletti-t kanë shijuar një ecuri pozitive me 16 ndeshje pa humbur në fillim të sezonit, por një formë e paqëndrueshme duke filluar nga dhjetori ka bërë që Inter të luftojë për një vend mes katër më të mirëve.
Një fitore në shtëpi do t’i siguronte Inter-it një finale me Lazio-n në ndeshjen e fundit për një vend në Champions League, dhe Spalletti mendon se skuadra e tij e ka ngushtuar diferencën në kualitet me ekipet kryesues.
“Po, pasi e dija mirë se cilët ishin kundërshtarët tanë, e dija mirë forcën e Juve, Napoli dhe Roma.
“Vitin e kaluar Inter kishte 16 pikë më pak se Roma, tani numrat tregojnë një histori ndryshe.
“Si trajner, jam i lumtur për mënyrën sesi kemi luajtur. Kemi bërë progres, ka pasur momente që kemi vuajtur por tani jemi shumë pranë të qenurit një ekip i fortë.
“Kemi filluar me një diferencë që duhet të ngushtonim dhe ia kemi dalë. Ndeshja ndaj Sassuolo-s do të jetë si një gjysmëfinale e cila mund të na vendosë në një finale ndaj Lazio-s.”
“Mua më intereson vetëm ta fitoj ndeshjen, ata që mendojnë për goleada nuk kanë luajtur kurrë futboll. Unë dua të fitoj 1-0”, ka thënë Spalletti.
