Historike, Parlamenti i Suedisë voton mocionin e mosbesimit ndaj Kryeministrit

Demokratët nacionalist suedez shfrytëzuan rastin dhe organizuan mocionin e mosbesimit pasi ish-partia komuniste e Majt hoqi dorë nga mbështetja e qeverisë së qendrës së majtë të kryesuar nga Stefan Löfven. Në votimin historik, mocionin e mosbesimit e mbështetën 181 deputetë duke e bërë Löfvenin kryeministrin e parë në historinë e Suedisë që humbi besimin e parlamentit, Riksdag.

Gjithçka filloi pasi opozita kundërshtoi propozimin e Ligjit për përcaktimin e qirasë për banesa, sot kryeministri Löfven ofroi që të dakordësohen rreth një modeli ndryshe për përcaktimin e qirasë për banesa dhe të zgjidhin krizën më të madhe politike në historinë e re të Suedisë por ishte vonë.

“I japim rastin gjetjes së një zgjidhje. Pres që partitë politike të bëhen gati dhe të jenë të përgjegjshme dhe të mos e fusin Suedinë në krizë politike,” tha Kryeministri dhe lideri socialdemokrat, Stefan Löfven.

Por propozimin e hodhi poshtë e Majta dhe tashmë Löfven ka dy opsione: të jap dorëheqje, me çka fillon procedura e zgjedhjes së një Kryeministri të ri ose të shpallë zgjedhjet e jashtëzakonshme parlamentare, të parat që nga viti 1958 dhe të pestat që nga koha kur aplikohen zgjedhjet, në vitin 1866.

Mediat suedeze raportojnë se Löfven do të vends për shpalljen e zgjedhjeve të reja, që do të thotë se brenda një viti suedezët do të dalin dy herë në votime, pasi që zgjedhjet e rregullta janë përcaktuar për shtatorin e vitit 2022.

Ndryshe, demokratët suedez arritën të bindin 181 deputetë për mocionin e mosbesimit ndaj Kryeministrit Stefan Löfven, nga 175 sa ishin të domsodshëm për rrëzimin e qeverisë nga parlamenti suedez, Riksdag, që ka 349 deputetë.