Humbja e mikut dhe pacientit/ Shpërthen mjeku i njohur: I meritojmë bastardët që na drejtojnë…

Një ditë më parë u nda nga jeta Perikli Dhales, një emër i njohur për futbollin shqiptar, veçanërisht për ekipin e Tiranës ose 17 nëntorit siç quhej në atë kohë.

Mes reagimeve të shumta për vdekjen e Dhales, bie në sy edhe ai i mjekut të njohur të QSUT-së, Tritan Kalo.

Ai shkruan se nuk e kishte vetem pacient të dashur, por edhe mik të mirë. Ai ka shpërthyer me një postim në faqen e tij në rrjetin sociale, pasi ndihet i zhgenjyer nga mungesa e nderimit që meritonte Dhales në përcjelljen e fundit.

Postimi i mjekut Kalo:

Dy dite më parë humba mikun dhe pacientin tim të dashur,Perikli Dhales. Ishte e vetmja betejë që humbëm, pasi fitorja është e pamundur në mjekësinë e sotme, megjithë diagnostikimin e menjëhershëm që i bëmë.

Ajo që më bëri përshtypje ishte indiferenca e federatës së futbollit , për ta nderuar ashtu siç e meritonte. Indiferenca e bashkisë që ta nderonte kampionin e qytetit tonë.

Dhe mbi të gjitha, indiferenca e klubit të Tironës për të nderuar kampionin e madh të tyre,duke harruar që nëpërmjet Peres nderojnë veten e tyre.

Dje Tirona ,moralisht ka rënë në kategori të katërt. Ndërsa ne si popull tregojmë që i meritojmë plotësisht bastardet që na drejtojnë.

Boll të kujtoni se cfarë bëri Kosova pak ditë më parë për njeë lojtar të nivelit të tij.Gëzuar Bajramin miqtë e mi…..!