I ofrohet statusi i dëshmitarit, Albert Veliu refuzon Krimet e Rënda…

Albert Veliut, i identifikuar si bashkëpunëtori X në videon e publikuar nga Partia Demokratike, në audio-përgjimin e Agron Xhafajt, vëllait të ministrit të Brendshëm, i është ofruar statusi i dëshmitarit të mbrojtur nga drejtësia.

Sikundër raportohet, Veliu nuk e ka pranuar statusin e dëshmitarit pasi sipas këtij të fundit nuk ndihet i rrezikuar.

Gjithashtu mësohet se Prokuroria e Krimeve të Rënda në bashkëpunim me Policinë e Shtetit kanë vendosur të mbajnë në mbikëqyrje Albert Veliun.

Pas publikimit të audio-përgjimit, dëshmitari X, në një intervistë të publikuar nga PD , tha se ndihej i kërcënuar, pas vizitës që Shefi i Krimeve në qytetin e Vlorës, i kishte bërë djalit të tij në vendin e punës, raporton Faxweb.

Audio-përgjimi Xhafaj-Veliu, i publikuar nga selia blu, është kthyer në lajmin kryesor prej disa ditësh.