Ikën vëllai Agron Geron Xhafajt/ Reagimi, Basha: Fillimi i shkërmoqjes së bashkëqeverisjes së Edi Ramës me krimin!
Largimi i Fatmir Xhafës, të vetmit ministër të brendshëm në Europë me vëllain trafikant droge, është një hap i rëndësishëm në betejën tonë për të pastruar politikën nga krimi. Ky është reagimi i parë i kryetarit të Partisë Demokratike, Lulzim Basha pas dorëheqjes së ministrit të Brendshëm, Fatmir Xhafaj duke shtuar se ky është fillimi i shkërmoqjes së bashkëqeverisjes së Edi Ramës me krimin.
“Me Fatmir Xhafën krimi vuri nën kontroll të plotë policinë dhe prokurorinë. Por largimi i tij është vetëm fillimi i shkërmoqjes së bashkëqeverisjes së Edi Ramës me krimin. Beteja për çlirimin e politikës, ekonomisë dhe shoqërisë nga krimi do të vazhdojë deri në fitore,” theksoi kryetari i PD, Lulzim Basha duke pëfunduar:
“Shqiptarët meritojnë një qeveri që punon për njerëzit!”
Ja statusi i plotë:
Largimi i Fatmir Xhafës, të vetmit ministër të brendshëm në Europë me vëllain trafikant droge, është një hap i rëndësishëm në betejën tonë për të pastruar politikën nga krimi. Me Fatmir Xhafën krimi vuri nën kontroll të plotë policinë dhe prokurorinë. Por largimi i tij është vetëm fillimi i shkërmoqjes së bashkëqeverisjes së Edi Ramës me krimin. Beteja për çlirimin e politikës, ekonomisë dhe shoqërisë nga krimi do të vazhdojë deri në fitore. Shqiptarët meritojnë një qeveri që punon për njerëzit.
