Inaugurimi i stadiumit/ Komiteti Ekzekutiv diskuton për ceremoninë, pritet të jetë…

Komiteti Ekzekutiv i Federatës Shqiptare të Futbollit, në mbledhjen që zhvilloi dje ndër të tjera ka vendosur edhe në lidhje me ceremoninë e inaugurimit të stadiumit të ri kombëtar.

Impianti që po ndërtohet në kryeqytet pritet që të inaugurohet në përballjen zyrtare që kuqezinjtë do të luajnë më 17 nëntor kundër kampionëve të botës në fuqi, Francës.

Presidenti i UEFA-s

Duke iu referuar burimeve kofidenciale, “Panorama sport” raporton se më 17 nëntor në Tiranë do të jetë edhe Presidenti i UEFA-s, Aleksandër Ceferin. Numri një i institucionit europian të futbollit pritet që të pranojë ftesën zyrtare të bërë nga FSHFja, për këtë eveniment festiv, që korrespondon edhe me ndeshjen kundër kampionëve të Botës.

Vendimet

Teksa është vendosur mbi detajet e ceremonisë së hapjes së këtij impianti, Komiteti Ekzekutiv, mësohet se është vendoset të akordohet një fond prej 2 milionë lekësh për ekipin e Vllaznisë së Femrave, për kualifikimin mes 32 ekipeve më të mira të Europës. Si vlerësim për këtë ecuri, por edhe stimul për futbollin e femrave në vend.

Gjithashtu, mësohet se është diskutuar për një sistem vlerësimi me pikë, që do të ketë për klubet shqiptare, bazuar në kriteret që ato plotësojnë. Në fund, për ekipin më të mirë, ose disa nga ekipet më të mira, do të ketë shpërblim nga fondet e FSHF-së.