Iniesta i thotë lamtumirë Spanjës

Andres Iniesta ka konfirmuar largimin e tij nga Kombëtarja spanjolle. Nuk ka qenë largimi më i mirë për të, por në një mënyrë që as ai vetë nuk e kishte parashikuar.

Spanja nuk ja doli të fitonte gjatë 120 minutave dhe u ndëshkua nga penalltitë.

Në fundin e ndeshjes Iniesta doli për të deklaruar të ardhmen e tij: “kjo ishte ndeshja ime e fundit me Spanjën. Një magji e mrekullueshme ka mbaruar. Ndonjëherë fundi nuk është ashtu siç e ëndërron”, ka thënë legjenda spanjolle.

131 ndeshje ka Iniesta me Kombëtaren e tij dhe ka shënuar 13 gola ku më vendimtari ka qenë ai i finales së Kupës së Botës përballë Holandës.