Ish-ministri kundër vendimit të LSI/ Ja kush nuk bojkoton mbledhjen e komisioneve
Ish-ministri i LSI, Edmond Haxhinasto nuk ka një marrëdhënie të kushtëzuar me Kuvendin. Pra, ky nuk rrespekton vendimin e opozitës së bashkuar dhe as vendimin e partisë së cilës i takon, Lëvizjes Socialiste pë Integrim.
Një ditë më parë, opozita e bashkuar mori vendim për vendosjen e një marrëdhënie të kushtëzuar me Kuvendin, sipas të cilës deputetët e saj, do të denonconin skandalin Xhafaj dhe më pas do të largoheshin.
Përkundër kësaj, Edmond Haxhinasto nuk është larguar nga mbledhja e Komisionit Parlamentar të Ekonomisë, duke dalë në këtë mënyrë kundër vendimit politik të partisë së tij.
