ISW: Ofensiva e madhe ruse vazhdon! Shërbimi sekret: Putin u ka dhënë afat tre javë!
Ushtria ruse po bënë përpjekje të shpërndaj forcat ukrainase duke intensifikuar sulmet përgjatë gjithë vijës së parë të frontit, thekson ministra e Mbrojtjes e Mbretërisë së Bashkuar. Rusia para pak kohësh ka shënuar një sukses të rëndësishëm në fushëbetejë me pushtimin e qytetit Avdijivka në Donjeck, pas shumë muajve të luftës intensive.
Ministria britanike e Mbrojtjes në raportin e fundit thekson se forcat ruse kanë intensifikuar sulmet përgjatë gjithë vijës së parë të frontit me shpresën se do ta çoi Ukrainën deri në “pikën e rënies”. Forcat tokësore ruse, thekson raporti, gjithashtu kanë përshkallëzuar sulmet në afërsi të fshatit Robotin.
“Forcat tokësore ruse kanë vazhduar dhe sipas të gjitha gjasave kanë intensifikuar sulmet në boshtin e Robotinit në jug të Ukrainës, të cilën Ukraina përsëri e ka marrë gjatë kundërofensivës në verën e vitit 2023,” thuhet në raport, duke shtuar:
“Forcat ruse kanë intensifikuar sulmet në disa pika të vijës së fushëbetejës gjatë javës së kaluar, me qëllim të shpërndarjes së forcave ukrainase.”
ISW: Rusët sulmojnë nga të gjitha anët
Edhe Instituti amerikan për studimin e luftës, ISW, në raportin e fundit thekson se Rusët sulmojnë nga të gjitha anët në vijën e parë.
“Rusia është në procesin e zbatimit të operacionit të ofensivës kohezive në kërkim të qëllimit të rëndësishëm operativ, gati për herë të parë në më shumë se një vit e gjysëm të fushatës në Ukrainë.”
Raporti i ISW thekson se ofensiva ruse në vijim, në rajonet Harkiv dhe Luhansk në Ukrainën lindore përfshinë sulmet përgjatë katër boshteve paralele të cilat së bashku do të realizonin fitore të rëndësishme operative.
“Dizeinimi i kësaj ofensive ia vlen të shqyrtohet me kujdes, pavarësisht në epilogun e tij, si shembull i mundshëm i aftësisë së komandimit rus që të mësoj dhe përmirësoj mossukseset e kaluara në nivel operativ,” shkruan ISW.
Russian forces made confirmed advances near Avdiivka, Donetsk City, Robotyne, and Krynky. https://t.co/KY70PoEK8v https://t.co/6S2CAhnvtO pic.twitter.com/HsgiLXpaGc
— Institute for the Study of War (@TheStudyofWar) February 22, 2024
Katër drejtime të përparimit
“Grupimi perëndimor i forcave ruse para pak kohësh ka intensifikuar operacionet përgjatë vijës Kupjansk-Svatove-Kremina, e cila është përqëndruar në katër drejtime. Forcat ruse aktualisht po zbatojnë operacione ofensive në verilindje të Kupjanskit, veriperëndim të Svatovit, jugperëndim të Svatovit dhe në perëndim të Kremines.
Grupimi perëndimor i forcave ruse, WMD, është përgjegjës për pjesën më madhe të boshtit Harkiv-Luhansk nga stabilizimi i fushëbetejës pas kundërofensivës së suksesshme të Ukrainës në rajonin e Harkivit në vjeshtën e vitit 2022.
Armata e 6. e kombinuar e WMD dhe Armata e 1. e tankseve të gardës, kanë vazhduar përpjekjen ofensive të lokalizuar në verilindje të Kupjanskit më 6 tetor të vitit 2023 dhe në mënyrë sporadike kanë intensifikuar operacionet në drejtim të Kupjanskit,” shkruan ISW.
Inteligjenca: Putin i dha ushtrisë afat tre javë
Drejtoria e shërbimit sekret të Ukrainës, GUR, ka konfirmuar dje se Presidenti i Rusisë, Vladimir Putin, i ka dhënë ushtrisë ruse afat prej tre javësh që të marrë kontrollin e plotë mbi Luhansk.
Zv/Drejtori i GUR, Gjenerali Vadim Skibicki, tha gjatë një interviste për Interfax se Putin dëshiron kontrollin e plotë ndaj Luhanskit para zgjedhjeve presidenciale në Rusi, që u shpallën prej 15 deri 17 mars.
“Para zgjedhjeve duan që të paktën të vijnë te kufiri administrativ i rajonit Luhansk,” tha Skibicki duke përfunduar:
“Te kesh të paktën një sukses, si Avdijivka për shembull, ndoshta diku tjetër në një tjetër front.
Putin dëshiron të tregoj se kanë arritur të kthejnë territore të cilat Ukraina i ka çliruar pas fillimit të agresionit rus në shkallë të gjërë.
Kjo do të përdorej në operacionet informativo-psikologjike, aksioneve dhe hapësirës informative.”
