Izraeli: Ndërpresim kontaktin me Kaja Kallas
Izraeli ka bërë të ditur se do të ndërpresë kontaktet me shefen e politikës së jashtme të Bashkimit Evropian, Kaja Kallas, për shkak të akuzave se ajo e krahasoi trajtimin e palestinezëve nga Izraeli me aparteidin në Afrikën e Jugut, ndërsa ajo u përgjigj sot se mbetet e përkushtuar ndaj marrëdhënies me atë vend.
“Nuk kam zgjidhje tjetër veçse të ndërpres të gjitha kontaktet me Kallas derisa ajo të tërheqë këtë shpifje gjaku që i ka drejtuar shtetit të vetëm hebre në botë, i cili është gjithashtu e vetmja demokraci në Lindjen e Mesme,” tha sot përmes rrjetit social X Ministri i Jashtëm Izraelit, Gideon Saar.
Ms. @kajakallas, the EU High Rep. for Foreign Affairs and Security Policy, has for some time now been acting obsessively and with blatant unfairness toward the State of Israel.
— Gideon Sa'ar | גדעון סער (@gidonsaar) June 18, 2026
Recently, it was published that during her visit to Mexico, she compared Israel to the racist…
Media online Euractiv raportoi javën e kaluar se Kallas bëri deklarata të tilla në muajin maj gjatë një vizite në Meksikë. Përfaqësuesja e lartë e BE-së për Politikën e Jashtme, Kallas, i tha sot homologut të saj izraelit se BE mbetet e përkushtuar ndaj një marrëdhënieje konstruktive me Izraelin.
“E vlerësoj dialogun dhe angazhimin tonë dhe jam e hapur në këtë frymë për të vazhduar, me respekt dhe në mënyrë konstruktive,” u shpreh Kallas përmes rrjetit social X duke ju drejtuar Saar, raporton Reuters.
“Për të sjellë paqe në Lindjen e Mesme, zgjidhja me dy shtete mbetet e vetmja rrugë e zbatueshme. BE dënoi vendbanimet e paligjshme izraelite në Bregun Perëndimor, të cilat e bëjnë gjithnjë e më të vështirë arritjen e këtij qëllimi. Ky është qëndrimi i BE-së,” u shprej Kallas.
AFP raporton se Saar iu kundërpërgjigj menjëherë Kallas, duke thënë se vendimi i tij do të mbetet i pandryshuar derisa diplomatja të sqarojë nëse ajo kishte përdorur fjalën “aparteid”.
Dear Gideon, as you know, the EU and Israel have a lot that binds us. I value our dialogue and engagement, and I’m open to continue in that spirit, respectfully and constructively. Dialogue is the foundation of diplomacy, especially when differences arise. The EU is always…
— Kaja Kallas (@kajakallas) June 18, 2026
“Situata është e thjeshtë: nëse i keni bërë vërtet këto deklarata famëkeqe dhe shpifëse, pranojeni. Nëse jo, mohojeni. Derisa të zbulohet e vërteta, vendimi im do të mbetet i pandryshuar,” shtoi ministri i jashtëm izraelit.
Ndryshe, Izraeli kontrollon rreth 64 për qind të Rripit të Gazës, i cili u rrafshua me tokë gjatë një ofensive dyvjeçare izraelite pas sulmeve të Hamasit në Izraelin jugor, dhe kryeministri izraelit Benjamin Netanyahu në fund të muajit maj urdhëroi ushtrinë izraelite të zgjeronte kontrollin në 70 për qind të territorit të ngushtë bregdetar palestinez.
