Ja preferencat e maturantëve për degët në Universitet

Sipërmarrja duket se nuk po i tërheq shumë të rinjtë të cilët duan të vijojnë studimet e larta. Maturantët të cilët dje iu nënshtruan provimit të parë për gjuhën e huaj, të pyetur nga televizioni Scan, radhitën në krye të preferencave Juridikun, Shkencat Sociale dhe Mjekësinë duke lënë ekonomikun ndryshe nga vitet e tjera si alternativë plotësuese.

Gjuha e huaj ishte provimi i parë i detyrueshëm. Testi vlerësohet me 50 pikë me 25 pyetje gjithsej të cilat u vlerësuan si jo të vështira nga maturantët.

Letërsia, matematika dhe ato me zgjedhje janë provimet që pritet t’i nënshtrohen në ditët në vijim 37 mijë maturantë në mbarë vendin.