Kallëzimi penal i Belerit, bashkëshorti i ish-ministres Olta Xhaçka në SPAK

Pas kallëzimit penal nga kryebashkiaku i zgjedhur i Himarës, Fredi Beleri, bashkëshorti i ish-ministres për Europën dhe Punët e Jashtme, Olta Xhaçka, ish-deputeti socialist Artan Gaçi sot i është drejtuar SPAK-ut.

Pas akuzave të Fredi Beleri, se ka përfituar tokë si investitor strategjik përmes procedurave të paligjshme në zonën e Himarës, Artan Gaçi po merret në pyetje nga Prokuroria e Posaçme, por, nuk dihet nëse SPAK do të marrë në pyetje edhe ish-shefen e diplomacisë shqiptare, Olta Xhaçka, e cila gjithashtu është kallëzuar penalisht nga Beleri.

Ndryshe, kryebashkiaku i zgjedhur i Himarës, Fredi Beleri, i cili ka bërë këtë kallzim penal, aktualisht është i arrestuar për blerje votash.