Kamerat e sigurisë e kapën duke vrapuar në drejtim të paditur, dhe nuk e pa më njeri

Zhdukja e turistit gjerman, Lars Mittank është një zhdukje që më shumë e ka tronditur policinë dhe ka katër vite që po e çmend familjen e tij.

Edhe pse ne botë janë me qindëra persona që janë zhdukur, zhdukja e Larsit është e veçantë duke pasur parasysh se në aeroport e kanë filmuar kamerat e sigurisë se si vrapon në drejtim të paditur. Pasi u largua nga aeroporti, askush më nuk e ka parë. Mittank ishte për pushime në Bullgari dhe pas një javë qëndrimi atje, është zënë me një grup të rinjësh për shkak të futbollit. Me rastin e kësaj zënke u lëndua dhe shokët thanë se e pritën kthimin e tij në Gjermani pasi që të shërohet. Ai u vendos në një hotel me çmime të ulëta ku thonë se sillej në mënyrë të çuditshme.

Para se të zhdukej, e thirri mamanë në telefon dhe i tha se janë duke e përcjellur katër njerëz. E pyeti mamanë se çfarë tablete përdor dhe e luti që t’ja bllokoj kartat e tij të kreditit. Më pas e ka thirrë mamanë edhe nga aeroporti ku e kishte kontrolluar mjeku, dhe i tha se për pak çaste do të niset me avion.

Mirëpo, doktori i cili e kontrolloi deklaron se Larsi ishte në panik dhe vazhdimisht e përsëriste “se nuk dëshiron të vdes”.

Pas këtij kontrolli mjekësor, kamerat e sigurisë në aeroport e kanë kapur duke vrapuar në drejtim të paditur dhe më nuk e ka parë njeri.