Kapshticë, kalojnë 300 qytetarë, apeli i Policisë Kufitare: Mos vijoni udhëtimin për sot!

Kuota e kalimit të qytetarëve nga Kapshtica dhe Kakavija vijon të aplikohet nga Greqia dhe si e tillë do të jetë në fuqi të paktën deri më 15 shtator.

Për këtë arsye, Policia Kufitare apelon te qytetarë që kanë planifikuar të udhëtojnë për sot drejt Greqisë nga Kapshtica, meqë deri në mesditë është plotësuar kuota, të mos vijojnë udhëtimin pasi për sot policia greke e ka pezulluar punën.

Që në muajin gusht ka pasur probleme me dy pikat kufitare Kapshticë dhe Kakavijë teksa si zgjidhje e ndërmjetme është gjetur kuota, tamponi negativ dhe formulari PFL.

Deri në një vendim të dytë Greqia do të vazhdojë me mbylljen e kufirit me Shqipërinë ndërsa Policia Kufitare të informoj momentin kur do të plotësohet kuota.

Njoftimi i Policisë

Drejtoria Vendore e Kufirit dhe Migracionit Korçë.

Stacioni i Policisë Kufitare Kapshticë:

Njoftojmë të gjithë qytetarët që janë të interesuar të kalojnë në drejtim të shtetit grek, se aktualisht kuota prej 300 shtetas është plotësuar dhe nga ana e policisë greke është pezulluar puna e nuk do të lejohet kalimi i personave të tjerë për ditën e sotme.

Policia Kufitare apelon për qytetarët që duan të udhëtojnë në drejtim të Greqisë, që të mos vijojnë udhëtimin në drejtim të PKK Kapshticë për ditën e sotme.

Ju faleminderit për mirëkuptimin!