Kërcënoi Kosovën dhe Luginën, derdhi lotë dhe u zotua, Vuçiç: Serbia do rritet!

Pasi kërcënoi shqiptarët e Kosovës dhe ata të Luginës së Preshevës, inskenoi arenë lufte në Parlamentin e Serbisë, Presidentit të këtij shteti kriminal, Aleksandar Vuçiç, i rezultoi se vetëm 23 deputetë i kishte kundër; Ata që deshtën ta sulmojnë kur ai i plasi vajit, u tretën, dhe 154 deputetë votuan për dhe ishin 9 abstenime, për atë që u quajt “Raport për negociata me Prishtinën”.

Dhe, çuditërisht pasi lexoi “pikat e vështira” të Planit frank-gjerman, dhe 10 Pikat e itinerarit të tij se si do të veproj në dialog, kërcënoi shqiptarët e Kosovës se janë të detyruar ta pranojnë themelimin e Asociacionit ndërsa atyre të Luginës së Preshevës u tha që mos të shohin ëndrra me të drejtat e tyre sepse nuk do të plotësohen kurrë, ndërkohë harroi që kishte derdhur lotë si fëmija dhe u t’u zotua me trimërinë e njohur serbe prej budallait se, Serbia do të rritet!

Duke i nxjerrë nga goja dhe fjalët e fundit para këtij tubimi kuvendor serbë ku kërcënoi shqiptarët dhe opozitën serbe, qau dhe tregoi dhëmbët nga e njëjta ulëse parlamentare, u zotua se do kujdeset jo për serbët e komunës së vetme që e njihte regjimi i Millosheviçit, por për 10 komunat që janë aktualisht sot sipas Planit të Ahtisarit ndonëse atë nuk e njehë.

“Мendoj se më e rëndësishme është për popullin tonë në Kosovë, jo vetëm këtu por në Gorazhdec, Osojan, Hoçë të Madhe, Suhadoll, Zubin Potok, Leposaviç, Mitrovicë, Kamenicë, Kllokot, Partesh, Graçanicë, Lipjan, Uglare, Bresje, Pasjan, kudo që jeton populli jonë, dhe e di që ju e dini se shteti juaj është Serbia, kjo është diçka që askush nuk mund ta fshijë me gomë, por duhet ta kuptojmë se shumë njerëz mendojnë se kjo nuk është Serbi,” tha Vuçiç në Parlamentin e Serbisë duke e pranuar se pozicioni i tyre nuk është i lehtë sepse në Kosovë situata nuk është e lehtë.

“Serbët e Kosovës janë aty sepse po e shohin se dikush për ta po lufton, po shohin problemet e tyre dhe përjetojnë jetën e tyre.

Unë ju garantojë vetëm një gjë, gjithmonë do jemi së bashku. Serbia do të ruaj paqen. Serbia do të sillet me përgjegjshmëri,” tha Aleksandar Vuçiç pasi kishte fshirë lotët dhe kishte harruar premtimet që i kishte dhënë Kryeministrit të Shqipërisë, Edi Rama, për Ballkanin e Hapur, shtoi duke treguar dhëmbët:

“Serbia do të rritet!”

Që të mos ketë hamendësime rreth këtij zotimi as në Tiranë dhe as në Prishtinë, para se ti dilte nga goja ky idiotizëm, Presidenti i Serbisë, Aleksandar Vuçiç, qartësoi të gjithë ata budallenjë shqiptarë që i besuan Ballkanit të Hapur, duke ju përgjigjur deputetit shqiptar të parlamentit serb, Shaip Kamberi, i cili nuk kërkoi asgjë më shumë përveç se përmirësimin e kushteve të shqiptarëve në Luginën e Preshevës.

“Shqiptarët e Luginës së Preshevës shpresojnë se arritja e marrëveshjes me Kosovën do të ketë ndikim pozitiv mbi Beogradin për hapjen e një kapitulli të ri në bisedimet me shqiptarët e Luginës së Preshevës. As sot pas 22 viteve nga firmosja e marrëveshjes, pozita e shqiptarëve nuk është përmirësuar,” tha Shaip Kamberi, fjalë që tërbuan njeriun që qante për ta kthyer në identitetin e tij prej krimineli, për të thënë se nuk mund ti barazon të drejtat e serbëve në Kosovë me ato të shqiptarëve në Serbi!

Ja çfarë thotë Aleksandar Vuçiç, njeriu që mendon ta hap Ballkanin për lirinë e lëvizjes së mallërave dhe njerëzve, por, nuk i konsideron njerëz të gjithë, siç janë serbët:

“Ky është një truk aq i keq, ai nuk mund të krahasohet dhe nuk i ngjanë. As nuk janë shtete as nuk kanë pozicionin e njejtë dhe njëra nuk ekziston fare në procesin negociator. Ajo që na quajtët genocidash, këtij shteti nga i cili merrni bukë, i cili ju ndërton edhe rrugë, hekurudha, e quani fashist, pse nuk e thoni ta dëgjojnë njerëzit. Nga ky shtet fashist kërkoni të sillet ndryshe. Vetëm këto ëndrra mbi barazinë mund të ndaloni ti ëndrroni, ashtu siç i kam komunikuar liderit tuaj, mos, se është keq. Ju jeni qytetarët tanë, qytetarë të Republik së Serbisë, ju keni të drejta, juve nuk ju sulmojnë kur festoni Bajramin, ose shkoni në kishë. Nuk ka,” tha Presidenti i Serbisë, Aleksandar Vuçiç, i cili kur shkon në Preshevë nuk e takon fare kryetarin e komunës vetëm pse është shqiptar, por kjo nuk e pengon ta puth Edi Ramën kur shkon në Tiranë, sepse qëllimi i tij është i qartë me Ballkanin e Hapur:

Serbia do të rritet!

Ndryshe, në fillim të seancën maraton, Presidenti Aleksandar Vuçiç, para deputetëve të Parlamentit të Serbisë e pranoi se pjesa më e vështirë e planit franko-gjerman për zgjidhjen e çështjes së Kosovës është Pika 4. ku thuhet se Serbia nuk duhet ta kundërshtoj anëtarësimin e Kosovën në organizatat ndërkombëtare”, dhe, shpalosi planin me 10 pika të politikës serbe për periudhën e ardhshme.

Plani franko-gjerman, 90% është i saktë nga ajo që është publikuar

Lidhur me planin franko-gjerman tha se 90 për qind e asaj që është publikuar është e vërtetë ndërsa shtoi se kjo është bërë nga disa persona të bashkësisë ndërkombëtare, por nuk sqaroi se pse ky publikim u bë nga mediat që i kontrollon vetë ai dhe Edi Rama.

“Plani që më është dhënë nuk është publikuar, por ka shumë pak dallime. Pra, dikush tjetër ka pasur dëshirë që ai të publikohet dhe natyrisht nga ana e Prishtinës për të mos shkaktuar histeri në Beograd, për të mos dalë sërish çuna të mirë, e serbët fajtorë për të gjitha,” tha Vuçiç duke ia filluar me gjënë e mirë për Serbinë, preambulën, që është dhe katastrofë për palën kosovare.

“Duke filluar nga faktet historike dhe duke mos dyshuar qëndrimet e kundërta të palëve në çështjet fundamentale, duke përfshirë çështjet e statusit,” citon i lumtur preambulën duke shtuar:

“Për herë të parë po ju mundësohet serbëve që ndryshe të shikojnë çështjen e statusit të Kosovës në krahasim me atë që ata e quajnë Kosovë dhe ne Prishtinë.”

Vend të veçantë në fjalimin e tij i kushtoi Pikës 4. ku thuhet se “Serbia nuk do ta kundërshtoi anëtarësimin e Kosovës në cilëndo organizatë ndërkombëtare”.

“Ta kundërshtojmë ose jo Këshillin e Evropës, në momentin kur ata do të vendosin, do ta kenë shumicën. Ta kundërshtojmë ose jo NATO-n, do ta kenë shumicën. Ta kundërshtojmë ose jo Bashkimin Evropian, ky është vendimi i tyre,” tha Vuçiç duke pranuar se kishte dëgjuar dhe marrëzira sikur ne do ti ndalojmë të anëtarësohet Kosova në NATO, aq është e pakuptueshme por populli duhet ta dëgjoi, e pranoi më fund Presidenti i Serbisë ashtu si dhe faktin se ky është dhe problemi më i madh i planit franko-gjerman.

“Sapo e kam lexuar e kisha të qartë se për çfarë bëhet fjalë, jemi para zgjidhjes, cilat janë pasojat dhe cila është përzgjedhja jonën

Ramë dakord që fillimisht të zbatohet obligimi i Marrëveshjes së Brukselit, e kjo është Asociacioni i komunave me shumicë serbe, që shqiptarët nuk duan ta zbatojnë,” tha Vuçiç duke u shprehur nga foltorja e parlamentit se Asociacioni nuk mund të një mode i organizatës joqeveritare, por ajo që është firmosur në Bruksel.

Plani me 10 Pika

Se si do të veproi Serbia, pra, ai, Aleksandar Vuçiç shpalosi 10 Pika të politikës serbe në ardhmen.

Pika 1. Politika e Serbisë në periudhën e ardhshme do jetë që në çdo mënyrë dhe me çdo çmim që të ruajmë paqen dhe stabilitetin, të përmbahemi dhe të mos përgjigjemi në provokime vetëm në rast se cenohen pasuria dhe jeta e njerëzve si në vitin.

Pika 2. Vendosmëria për themelimin e Asociacionit i cili duhet të jetë korniza juridike dhe fizike e të drejtave të popullit tonë në Kosovë.

“Që të mos mendojmë se si do të ndalojnë ilaçet, si do të vijnë ushqimet, gazetat etj.” saktësoi Vuçiç.

Pika 3. Siguria për serbët në Kosovë. Siguria për serbët është pjesë edhe e pikës për paqe dhe stabilitet dhe pikës për Asociacion.

“Siguri është që askush të mos mendoj kur ta çoj fëmijën në shkollë, që mund të merremi me çështje tjera,” shtoi Presidenti i Serbisë.

Pika 4. Jetë më të mirë për popullin tonë në Kosovë.

“Shumë para investojmë, shumë investime, gati 900 milionë euro,” tha Vuçiç.

Pika 5. Për dallim nga ata që bërtasin parulla, tha Vuçiç, Serbia do të bisedoj edhe për dokumentat më të këqinj, sepse Serbia nuk ka të drejtë të përsëris përvojat nga e kaluara.

“Që të bisedohet, negociohet, për të gjitha çështjet kryesore, të bisedojmë për simbolet, të bisedojmë për gjithçka, se si do të përfaqësohen në shumë organe,” tha Presidenti i Serbisë.

Pika 6. Ruajtja e interesave vitale, shtetërore dhe kombëtare.

“Do të vazhdojmë të ruajmë neutralitetin ushtarak, që ta mbrojmë dhe ndërtojmë ushtrinë. Sot është 15 herë më e fortë se sa që ishte. Çështja tjetër është ruajtja e vendimeve tona të pavarura. Që në këto vendime të mos përzihet askush si nga lindja ashtu dhe perëndimi, që vendimet politike të merren vetëm në Serbi dhe kurrë jashtë Serbisë. Pika e tretë e kësaj pike është respektimi i Kushtetutës së Serbisë,” theksoi Vuçiç.

Pika 7. Interesi jetësor i Serbisë është të mbetemi në rrugën evropiani.

“Gënjejnë kur thonë se 43 për qind e serbëve mendojnë që ne të mbetemi në rrugën evropiane, përqindja është shumë më e vogël. Rruga evropiane do të thotë shumë gjëra për Serbinë, investime dhe standarde, rroga dhe pensione. Presim që deri në fund të vitit paga të jetë mbi 800 euro. Kjo rrugë na duhet sepse sot jetojmë në tjetër realitet. Ne sot jemi të rrethuar nga shtetet që në NATO ose NATO është atje. Edhe në pjesën e territorit tonë është NATO. E ku do të shkojmë në rast të një konflikti, si të ruajmë pagat dhe pensionet. Shumë përpjekje kemi bërë.”

Pika 8. Rritja e Serbisë – shëndetësia, energjetikam ushqimi dhe ushtria. Ushqim ka gjithnjë e më pak, dhe ajo është bartëse e inflacionit kudo. Sot kemi në depo vetëm sasi rekord të qymyrit, sasi rekord të gazit. Kemi sasi rekord të akumuluara të energjisë, mbi 500 GW/orë. Ushtria duhet të jetë më e fuqishme. Ushtria e ka ruajtur popullin tonë në Kosovë, sepse e kanë ditur se nuk do ta lejojmë dëbimin. Na duhet zhvillimi i shëndetësisë, ilaçet e reja deri tek qendrat reja klinike.

Pika 9. Vazhdimi i bisedimeve

“Unë kam thënë se vazhdojmë bisedimet, asgjë nuk kam firmosur. Kam konsideruar se për shkak të rinjëve, që ju duhen investimet, fabrikat, qendrat e reja teknologjike, kompanitë, na duhet që këta njerëz ti mbajmë këtu. Sot Serbia ka zyrtarisht më shumë banorë se Bullgaria, me siguri për herë të parë,” tha Vuçiç i lumtur për këtë fakt por pa shprehur pretendime tjera për momentin, ndërsa shtoi:

“A do të ishim paria evropiane, po do të ishim, plotësisht të izoluar dhe me të cilëst askush nuk do të bisedonte. Nuk mund të funksiononi vetë.”

Pika 10. Kemi Programin Serbia 2025, edhe rrogat do rriten.

“Problemet demografike mund ti prekim pjesërisht nëse sillemi me ndërgjegje,” tha Vuçiç duke e pranuar momentin delikat në të cilin ndodhet Serbia.

“Nga njëra anë duhet ta ndihmojmë popullin në Kosovë dhe të kujdesemi për interesat tona vitale,” tha Presidenti i Serbisë, Aleksandar Vuçiç, duke e mbyllë Planin e tij me 10 Pika se në mes të pushtetit dhe mandatit që i garantohet me Kushtetutë ai e ka të qartë se çfarë do të bëjë:

“Nuk ekziston zgjedhja Vuçiç ose Serbia, sepse Vuçiç është gjithmonë në anën e Serbisë!”

Ky fund populist u prit me duartrokitje nga deputetët e partisë së tij që nuk ju interesonte se çfarë po thotë por kush po e thotë, dhe po me këtë logjikë u prit nga kundërshtarët politik, që, për gjithçka sa u tha, u cilësua, tradhtarë!

Tufa e deputetëve serbë që u nis “ta sulmoj” Presidentin e tyre për shkak të këtij plani, për sytë e diplomatëve evropianë dhe amerikanë ishte një terror i esktremistëve serbë ndaj Aleksandar Vuçiçit që “ishte i gatshëm” të negocioj, por, epilogu i kësaj seance ku vetëm 23 deputetë votuan kundër asaj që kishte ofruar presidenti serb, tregoi se e gjitha ishte një mashtrim ordiner, që vetëm sivllau i tij në Tiranë mund ta besojë!