Kërkesa e Opozitës/ Këshilli Politik, OSBE: E hëna festë, mbledhja mbahet…

Pas Kërkesës së Përfaqësuesve të Opozitës së Bashkuar drejtuar atyre të mazhorancës për mbajtjen e Këshillit Politik për Reformën Zgjedhore, reagon OSBE duke i bërë me dije dy ateistëve Përafqësues të Opozitës se e hëna është Festë Bajrami dhe se mbledhja do të mbahet të martën duke filluar në orën 11:00.

“Duke qenë se dita e Hënë i bie festë Bajrami e për rrjedhojë ditë pushimi, OSBE ka mundesuar rezervimin e salles per takimin e grupit te punes per reformen zgjedhore, ne date 26 Maj 2020, ora 11:00 tek Pallati Kongreseve”.

Ndryshe, Përfaqësuesit e Opozitës së Bashkuar, Oerd Bylykbashi dhe Petrit Vasili i kanë dërguar Kërkesë, Përfaqësuesve të mazhorancës në Këshillit Politik për Reformën Zgjedhore, që mbledhja e radhës së Këshillit të zhvillohet të hënën, duke vënë në dijeni për këtë kërkesë partnerët ndërkombëtarë të përfshirë në proces, BE, SHBA, OSBE dhe KiE.