Kërkohet arrest me burg për Tahirin, çështja në Gjykatën e Lartë

Prokurori i Apelit të Krimeve të Rënda kërkon rikthimin në burg të ish-ministrit të Brendshëm, Saimir Tahiri.

Pas vendimit për lirimin e tij nga arresti shtëpiak, Apeli i Prokurorisë ka bërë rekurs në Gjykatën e Lartë për këtë vendim.

Krimet e Rënda kërkojnë masën e sigurisë ‘arrest me burg’ për Saimir Tahirin, të cilin e akuzojnë për pjesëmarrje në trafik ndërkombëtar droge dhe korrupsion të zyrtarëve të lartë.

Tashmë pritet një vendim i Gjykatës së Lartë për këtë kërkesë.