KLP hap garën për postin e Prokurorit të Përgjithshëm, ja afati

Këshilli i Lartë i Prokurorisë, KLP, ka hapur garën për postin e Prokurorit të Përgjithshëm, pasi mandati i Olsian Çelës mbaron së shpejti.

“KLP shpall fillimin e procedurës për përzgjedhjen e kandidatëve për Prokuror të Përgjithshëm, përmes thirrjes publike për aplikim,” thekson Këshilli i Lartë i Prokurorisë përmes  njoftimit duke saktësuar se kandidaturat për Kryeprokuror duhet të paraqiten pranë KLP.

Gjithashtu, KLP ka vendosur një afat deri në 30 ditë ndaj kandidatëve, për të dorëzuar dokumentet dhe aplikimet për këtë garë dhe për të fituar postin e lartë të Prokurorit të Përgjithshëm.

Ndryshe, mandati i Prokurorit të Përgjithshëm, Olsian Çela, përfundon në dhjetor 2026.