Kongresi konfirmon rezultatin, Donald Trump: Më 20 Janar, tranzicion i qetë!
Pas konfirmimit të rezultatit të zgjedhjeve presidenciale nga Kongresi ka reaguar Presidenti i SHBA, Donald Trump, përmes zëdhënësit të Shtëpisë së Bardhë, Dan Scavino, duke theksuar se ndonëse nuk pajtohet me rezultatin e zgjedhjeve, më 20 Janar tranzicioni i pushtetit do të jetë i qetë.
“Ndonëse nuk pajtohem fare me rezultatin e zgjedhjeve, që dëshmojnë edhe faktet, tranzicioni i pushtetit më 20 Janar do të jetë i qetë. Do të vazhdojmë luftën që të gjitha votat legale të numërohen,” tha Presidenti Trump përmes zëdhënësit të Shtëpisë së Bardhë, Dan Scavino, meqë Facebook dhe Twitteri i tij janë pezulluar për 12 orë, ndërsa përfundoi:
“Edhe pse ky është fundi i mandatit tonë Presidencial, është vetëm fillimi i luftës me të cilën Amerikën sërish do ta bëjmë të madhe.”
Ndryshe, pas trazirave të mbrëmshme në Capitol, sot në orën 04:00 dy Dhomat e Kongresit të SHBA konfirmuan rezultatin e zgjedhjeve presidenciale i cili u votua në Kolegjin Elektoral: Joe Biden, Presidenti i ri i Shteteve të Bashkuara!
