Konventa Republikane, Trump: Nëse fitojmë zgjedhjet, çdo amerikan i rritur do të marrë 5000 $

Presidenti i Shteteve të Bashkuara, Donald Trump, tha se do t’i paguajë çdo amerikani të rritur një “dividend Trump” prej 5.000 dollarësh nëse republikanët mbajnë kontrollin e Kongresit në zgjedhjet e mesmandatit në muajin nëntor.

“Nëse republikanët fitojnë Dhomën dhe Senatin, të dyja dhomat, për shkak të forcës dhe suksesit tonë të jashtëzakonshëm ekonomik, unë do të paguaj një dividend prej 5.000 dollarësh për çdo qytetar të rritur të Shteteve të Bashkuara. Kushti i vetëm është që dividendi duhet të shpenzohet në Shtetet e Bashkuara,” tha Presidenti Trump në Dallas në Konventën e parë të mesit të mandatit të Partisë Republikane.

NEW: President Trump makes a major promise at the Republican midterm convention in Dallas: $5,000 for every adult U.S. citizen if Republicans win both the House and Senate in the midterms.

“I will issue a dividend to every adult citizen in the United States of America for… pic.twitter.com/XqiphY7y8a

— Fox News (@FoxNews) September 10, 2026

Gjatë fjalimit të tij në Konventë, Trump foli për dy vitet më të mira në historinë e presidencës amerikane dhe nuk mungoi mesazhi për të majtën radikale.

“Nëse ia lëmë të ardhmen e Amerikës demokratëve të së majtës radikale, vendit tonë do t’i duhet e gjithë dekada e ardhshme vetëm për t’u rikthyer në këmbë. Votoni republikanët dhe do ta lëmë pjesën tjetër të botës shumë prapa, për breza të tërë,” tha Presidenti Trump duke fol dhe për pasojat ne humbasin republikanët.

“Nëse humbasim, ju do të humbni kontrollin e kufijve, do të humbni uljet e taksave, do të humbni sigurinë tuaj. Do të humbni pasurinë tuaj. Vendi ynë do të kalonte nëpër ferr, dhe ju do të kaloni nëpër ferr siç kaluam ne vetëm dy vjet më parë,” theksoi Trump duke rikujtuar presidencën e Biden ndërsa kishte dhe një premtik konkret:

“Mund t’ju premtoj një gjë: nëse republikanët fitojnë Dhomën dhe Senatin, unë do të shpërndaj një dividend prej 5,000 dollarësh për të gjithë të rriturit, ashtu si kompanitë e suksesshme shpërndajnë dividendë për aksionarët,” tha Presidenti amerikan Trump duke saktësuar se i vetmi kufizim për “dividendin e Trump” është që ai të shpenzohet në SHBA.

Mbrojti sulmin ndaj Iranit

Gjatë fjalimir, Donaldl Trump mbrojti vendimin e tij për të sulmuar Iranin, duke shtuar se ai veproi për të parandaluar Teheranin të zhvillonte armë bërthamore ndërsa premtoi se çmimet e naftës do të bien “sapo të fitojmë luftën me Iranin”, që sipas tij, do të ndodhë së shpejti.

Një mesazh kishte për Iranin, duke i bërë të qartë se SHBA mund të sulmojë vendndodhjen e Malit Pickaxe të Iranit, ku dyshohet se po punohet në objektet bërthamore në thellësi të nëndheshme.

“Ne po vërejmë disa aktivitete në vendin e Pickaxe. Unë do ta këshilloja Iranin që të mos bëjë asnjë mashtrim sepse do të na duhet t’i godasim shumë fort,” tha Presidenti Trump.

Shumica e folësve të tjerë në Konventën Republikane sulmoi kandidatët demokratë duke i cilësuar si socialistë, komunistë dhe ekstremistë për çështje si pjesëmarrja e grave transgjinore në sport dhe sigurinë kufitare.

Konventa dyditore në Dallas, ku Presidneti Trump do të mbajë një fjalim përmbyllës sot pas fjalimit kryesor të Zv/Presidentit J.D. Vance, do të shërbej si një prezantim i strategjisë së tyre përpara zgjedhjeve të mesmandatit më 3 nëntor.

Ndryshe, Presidenti i Shteteve të Bashkuara, Donald Trump, do të udhëtojë në 35 shtetet ku garat e mesmandatit për Kongres janë më të pasigurta dhe do të kthehet në Teksas për të mbështetur kandidatin e tij për Senat, Ken Paxton.