Kosova e nis vitin 2020 me humbje, pëson nga Suedia

Përfaqësuesja e Kosovës ka pësuar humbje në miqësoren e futbollit të zhvilluar ndaj Suedisë me rezultat 1:0. Ndeshje u zhvillua në Doha të Katarit, ku përzgjedhësi i Kosovës, Bernard Challandes i dha rastin lojtarëve të shumtë nga Superliga për tu paraqitur me fanellën e Kosovës.

Pjesa e parë e ndeshjes ishte më e mirë për Kosovën, ku patën raste të shumta shënimi, mirëpo ishin Kastrati dhe Thaqi ata të cilët lëshuan rastet me të mira për shënim, ndërsa Suedia arriti të realizonte gol në fund të pjesës së parë mirëpo ky gol u anulua për pozicion jashtë loje.

Në fillim të pjesës së dytë Bernard Challandes vendosi të bëjë shumë ndryshime duke futur në lojë shumicën e lojtarëve nga Superliga e Kosovës.