Kosova mposht Zvicrën

Përfaqësuesja e Kosovës në basketboll ka triumfuar kundër Zvicrës me rezultat 76:49. 

Në përballjen e sotme, çereku i parë ka qenë më i barazpeshuar, ndërsa në tre të tjerët Kosova ka qenë më e mirë. 

Më i dalluari nga Kosova ishte kapiteni Dardan Berisha me 20 pikë, i ndjekur nga Dominic Artis që debutoi me 19 pikë, kurse te Zvicra vetëm Toni Rocak me 12 pikë.

Ndeshja u zhvillua në kuadër të Raundit të Tretë Parakualifikues për Eurobasket 2025. 

Kosova për herë të parë sonte ka luajtur në Prizren, ndërsa javën e ardhshme më 26 korrik do të luaj si mysafir në Danimarkë dhe më 29 korrik prapë kundër Zvicrës.

Ndeshja e fundit do të jetë më 5 gusht ndaj Danimarkës. Vetëm vendi i parë kualifikohet tutje.