Kosovë, certifikohen rezultatet përfundimtare të 7 Qershorit

Komisioni Qendror i Zgjedhjeve, KQZ, sot ka certifikuar rezultatet përfundimtare të zgjedhjeve të Qershorit në Kosovë..

Me certifikimin e rezultateve, Kryetari i Komisionit Qendror të Zgjedhjeve, Kreshnik Radoniqi, bëri të ditur dhe ndarjen e ulëseve në Parlament sipas rezultateve përfundimtare:

“Lëvizja Vetëvendosje, LVV – 53 ulëse, Partia Demokratike e Kosovës, PDK – 22 ulëse, Lidhja Demokratike e Kosovës, LDK – 18 ulëse, Lista Srpska – 9 ulëse, Aleanca për Ardhmërinë e Kosovës, AAK – 7 ulëse,” tha Kreshnik Radoniqi duke theksuar se nuk ka pasur më asnjë obligim për KQZ-në nga vendimet e Gjykatës Supreme, pasi të gjitha ankesat e paraqitura janë refuzuar.

Kyetari i KQZ-së bëri të ditur me këtë rast se nga Paneli Zgjedhor për Ankesa dhe Parashtresa, PZAP, është konfirmuar se nuk ka ankesa të mbetura në shqyrtim.

Kështu, certifikimi i rezultateve të zgjedhjeve i hap rrugë formimit të institucioneve të reja. Pas certifikimit, Parlamenti duhet të mblidhet brenda 30 ditësh për mbajtjen e seancës konstituive.

Ndryshe, në zgjedhjet e parakohshme për Parlamentin e Kosovës, të cilat u mbajtën më 7 qershor 2026, morën pjesë 21 subjekte politike, prej të cilave: 17 parti politike; 3 koalicione dhe 1 kandidat i pavarur. Gjithsej u certifikuan 902 kandidatë për deputetë .

Rezultatet e certifikuara të KQZ-së janë publikuar edhe në web faqen e KQZ-së: https://kqz-ks.org/rezultatet/zgjedhjet-per-kuvend-te-kosoves/