Kosovë, sot Turqia merrë drejtimin e KFOR-it

Duke filluar prej sot 10 Tetor, trupat paqeruajtëse të KFOR-it në Kosovë do të udhëhiqen nga Turqia. Ndërrimi i komandës së KFOR-it në mes të Angelo Michele Ristuccia dhe Özkan Ulutaş, do të bëhet sot në Camp Film City.

Turqia renditet e dyta midis 27 vendeve për sa i përket kontributit me forca ushtarake në KFOR.  

Turqia e merrë përsipër drejtimin e komandës së KFOR-it në kohën e trazirave të Kosovës me Serbinë, pas sulmit terrorist të 24 shtatorit ku mbeti i vrarë rreshteri i Policisë së Kosovës, Afrim Bunjaku.

Ditë më parë Bloomberg shkruan se Turqia ka marrëdhënie me të dyja palët, pasi ka zhvilluar lidhje tregtare me Serbinë, ndërkohë që ka furnizuar me dronë luftarakë aleaten, Kosovën.